سێ قوتابی لە حانوتی خوێندنگەکەیان خواردن و خواردنەوە دەکڕن.
بۆ بەشێک لە وانەکان
لە سنووری پارێزگای سلێمانی کە بایکۆتی خوێندنی تیادا بووە خولی هاوینە دەکرێتەوە
964+
ژێوار خدر
ئەمڕۆ سێشەممە، بەڕێوەبەری گشتی پەروەردەی سلێمانی لە راگەیاندراوێکدا بڵاویکردووەتەوە، خولی بەهێزکردنی هاوینە بۆ قوتابیانی سنوری ئیدارەی سلێمانی و ئەو شوینانەی بایکۆتییان تێداکراوە دەکرێتەوە.
لە راگەیاندراوەکەدا هاتووە، بەهۆی ئەوەی ساڵی خویندنی 2023-2024 ساڵێکی خوێندنی ئاسایی نەبووە و قوتابیان وەک پێویست وانەکانیان پێنەوتراوە، لەسەر راسپاردەی وەزیری پەروەردە بڕیاردراوە خولێکی بەهێزکردنی وانەکان بۆ قەرەبووکردنەوەی بەشێک لە پڕۆگرام و بابەتەکان بکرێتەوە و خولەکەش لەسەر ئەرکی وەزارەتی پەروەردە دەبێت.
یوسف جەلال، بەڕێوەبەری بەشی راگەیاندن و پەیوەندییەکانی بەڕێوەبەرایەتی گشتی پەروردەی راپەرین بە 964ـی وت، خولەکە بۆ ماوەی یەک مانگ بۆ پۆلەکانی1، 4، 7 و 10 دەکرێتەوە و بۆ ماوەی یەک مانگ بەردەوام دەبێت.
وتیشی لە سنووری هەر پەروەردەیەک چەند بنکەیەک دابینکراون، چەند مامۆستایەکیش لەلایەن بەڕێوەبەرایەتی پەروەردەکانەوە دیاری دەکرێن بۆ وتنەوەی وانەکان.
خولەکان لە بەرواری 3.8.2024 دەستپێدەکەن و لە 31.8.2024 کۆتاییان دێت لە ریگەی ئەم لینکەوە بزانە کام وانانە دەخوێندرین.
وەزارەتی پەروەردە: قەرەبووی بایکۆتی خوێندن دەکەینەوە
