964+
خەلیفان
کرێکارێک بە تەزوى کارەبا گیانى لەدەست دا
964+
ئاکام غەفور-سۆران
نیوەڕۆی کرێکارێکى گەنج لە قەزای خەلیفان لە کاتی کار کردن بە تەزووی کارەبا گیانی لەدەست دا.
ئەو گەنجە دانیشتوی قەزای خەلیفانە و لە کارگەیەکی هێلەکە کاری کردوە و تەمەنی 24 ساڵە و خێزاندارە.
کاروان سرێشمەیی، بەڕێوەبەری نەخۆشخانەی خەلیفان، بە 964ـی وت،” نیوەڕۆی ئەمڕۆ تەرمى گەنجێک گەیندرایە نەخۆشخانەکەمان کە بەهۆی تەزوی کارەبا گیانی لە دەستدابوو”.
بە وتەى سرێشمەیى، گەنجەکە کرێکارێکى دانیشتوى خەلیفانە و دواى گرتنەبەرى رێکارى پێویست لە نەخۆشخانە، تەرمەکەى بۆ توێکارى رەوانەى پزیشکى دادى سۆران کراوە.
پێداچوونەوە: وریا فەتاح
