بەشێک لە جوتیارانى قەراج و کەندێناوە گردبوونەوە

964+

شۆڕش عەبدوڵا- هەولیر

400 بارهەڵگرى پڕ لە گەنم کە هى جوتیارانى دەشتى قەراج و کەندێناوەن، لەسەرەدا وەستاون بۆ ئەوەى سایلۆى مەخمور لێیان وەربگرێت، بەڵام وەک خۆیان دەڵێن، لێیان وەرناگیرێت.

ئەمڕۆ بەشێک لەو جوتیارانە  لە هەولێر گردبوونەوە، دوو لە جوتیارەکان قسەیان بۆ 964 کرد و دەڵێن، زیاتر لە 50 رۆژە 400 بارهەڵگرمان لەسەرەدا وەستاوە، بەڵام نە لێمان وەردەگرن و نە گوێمان لێدەگرن.

گەنمەکان لە 21.5.2024ـەوە بارکراون، بەڵام تائێستا سایلۆى مەخمور لێى وەرنەگرتوون، میقداد عەبدولرەحمان یەکێک لەو جوتیارانەیە و بە 964ـى وت،”ئەگەر لێمان وەرنەگرن زیانێکى زۆر دەکەین و دەبێت تۆنى بە 350 هەزار دینار بیفرۆشین”.

ئەو جوتیارانە، روویان لە حکومەتى عێراق و ئەندامانى ئەنجومەنى نوێنەرانە، شتیکیان بۆ بکەن و گەنمەکانیان لێوەربگرن.

پێداچوونەوە: وریا فەتاح