دیمەنێکی دەرەوەی بهڕێوهبهرایهتى كهلوپهلى خۆراكى هه‌ولێر كه له سۆشیاڵ میدیاكهیان بڵاوكراوهتهوه.
ليستى ناوەکان ببینە
خۆراكى هه‌ولێر به‌شه‌خۆراكى ده‌یان بریكارى راگرتووه
964+
فه‌رهاد حه‌سه‌ن
بەرێوەبەرایەتی بازرگانی کەلوپەلی خۆراکى هەولێر، به‌شه خۆراكى ده‌یان بریكارى له سنوورى پارێزگاكه‌ى راگرتووه و ده‌ڵێ “تا پاره نه‌هێنن خۆراكیان بۆ ناچێت”.
ناوى ئەو بریکارانەی لە دوو لیستدا بڵاوكردووه‌ته‌وه كه ده‌ڵێت، تاوه‌کو ئێستا پارەی بەشەخۆراکی لیستی مانگی 5/2024 یان نەداوە، کە بەشە خۆراکی سەبەتەی چوارەم دەکات.
ئاماژه‌ى به‌وشه‌كردووه، به‌شه‌خۆراكى سه‌به‌ته‌ى چواره‌میان وه‌رگرتووه و ته‌واوبووه، كه‌چی تاوه‌كو ئێستا پاره‌كه‌یان نه‌هێناوه.
روونیشیكردووه‌ته‌وه، ئێستا ده‌ستیان به دابەشکردنی بەشەخۆراکی سەبەتەی پێنجەم كردووه، به‌ڵام ئه‌و بریكارانه‌ى باسیده‌كه‌ن خۆراکیان راگیراوە و لە کۆگاکان دەمێنێتەوە و بۆیان ناچێت، تائه‌وكاته‌ى پاره‌كانیان ته‌سلیم ده‌كه‌ن.
باسی له‌وه‌شكردووه، دوا رۆژ بۆ هێنانى پاره‌كانیان رۆژى 15.7.2025 ـه و ده‌توانن له‌گه‌ڵ هێنانى پاره‌كه‌یان لیستى نوێی به‌شه‌خۆراكیش وه‌ربگرن.
