کێڵگەیەکی نەوت لە عێراق _ وێنە: ئاژانسەکان
بۆ مانگی ئایار
عێراق هەناردەی نەوتی کەرکوکی راگرتووە
964+
ژووری هەواڵ
هەناردەی نەوت لە کێڵگەکانی کەرکوک راگیراوە و ئاماری وەزارەتی نەوتی عێراق لەبارەی بڕی هەناردەکراو بۆ مانگی ئایار کە 104 ملیۆن بەرمیل نەوتە، هیچ بڕە نەوتێکی پارێزگاکە لەخۆناگرێت.
بەگوێرەی ئاماری وەزارەتى نەوتى عێراق، هەناردەى نەوت لە کێڵگەکانى ناوەڕاست و باشوورەوە بۆ مانگى ئایار گەیشتووەتە 104 ملیۆن و 130 هەزار و 292 بەرمیل نەوت و هیچ بڕە نەوتێک لە کەرکوکەوە هەناردە نەکراوە.
بەگوێرەی ڕاگەیەنراوێکی وەزارەتی نەوتی عێراق، هەناردەکردنی نەوتی خاو بۆ مانگی نیسان 102 ملیۆن و 386 هەزار و 818 بەرمیل بووە و لە رێگەی سۆمۆوە هەناردەی بازاڕەکانی دەرەوەی کردووە.
بۆ مانگی نیسان لە کێڵگەکانی کەرکوکیشەوە نەوت هەناردە کراوە.
