لەم شەقامانە سەیارە رابگریت دەستبەسەر دەکرێت

+964
 هێرۆ مەولودی

بەپێی بڕیارێکی بەڕێوەبەرایەتی هاتوچۆی هەولێر، هەر کەس سەیارە لە شەقامە خێراکان رابگرێت یان جێیبهێڵێت، ئەوا دەستی بەسەردا دەگیرێت.

فازڵ حاجی، وتەبێژی بەڕێوەبەرایەتی هاتوچۆی هەولێر دیمەنێکی بڵاوکردووەتەوە و تیایدا تاکسیەک نیشاندەدات کە دەستی بەسەردا گیراوە و بە کرێن رایدەکێشن.

فازڵ حاجی دەربارەی ئەم بڕیارە نوسیویەتی، پارککردن یان جێهێشتنی ئۆتۆمبیل لە شەقامە خێراکان بە هەمو جۆرێک قەدەغەیە و تەنیا لە کاتی تێكچوونی رێگای پێدەدرێت و دەبێت لەو کاتەش فسفۆری سێگۆشە دابنرێت بۆ ئاگادارکردنەوەی شۆفیران.

فازڵ حاجی بە تۆڕی 964ی وت، لە ئەمڕۆ یەکشەممەوە، ئەم بڕیارە سەرجەم شەقامە خێراکانی 120 مەتریی و 150 مەتریی هەولێر دەگرێتەوە.