نزیک بووەتوە لە 50 پلە
خەڵکی خانەقین لە گەرما هاواریان لێ هەستاوە
964+
راژان باجەڵان – خانەقین
لەگەڵ هاتنی هاوین بەجۆرێک پلەکانی گەرما لە خانەقین و ناوچەی گەرمەسێر بەرزبووتەوە کە هاوڵاتیان داد و بێدادیانە بەدەستییەوە.
پەکانی گەرما لە خانەقین نزیک بووەتەوە لە 50 پلە و بێکارەباییەکەشی لەولاوە بوەستێ، بەقسەی خەڵکەکەی دەڵێی لە جەهەنم دەژین.
رەزا موبارەک گۆرانیبێژێکی خانەقینە بۆ 964 وتی، “ماوەیەکە ئەوەنە خانەقین گەرمە کە ئەخەوم و کارەبا نامێنێت خەو ئەبینم ئەمبەن بۆ جەهەنم ئەوەنە دنیا گەرمە و بگرە لەوێ هەندێ خزمەتگوزاری دیە هەیە کە لە خانەقین نییە”.
رزگار مەحمود هاوڵاتییەکی دیکەی خانەقینە و دەڵێت، جەوەکە وا گەرمبووە چاوەڕێین کۆتر و چۆلەکەی برژاو ببارێت ، کەس تەحەمولی کەسی نەماوە و ژن و پیاویش بەیەکەوە لە گەرما هەر شەڕیانە.
پێداچوونەوە: توانا نەقی
