دیمهنێكى كاتى كاركردن له بازاڕى قهیسهرى هه‌ولێر.. وێنه: وه‌زاره‌تى شاره‌وانى
له ئه‌مڕۆوه خێراتر كرا
کاری نۆژەنکردنەوەی بازاڕی قەیسەریی هەولێر کرایە 24 كاتژمێر
964+
فه‌رهاد حه‌سه‌ن
وه‌زاره‌تى شاره‌وانى ده‌ڵێت، په‌له له نۆژه‌نكردنه‌وه‌ى بازارٍی قه‌یسه‌ریی هه‌ولێر ده‌كه‌ن و ده‌یانه‌وێت كاره‌كانى زوو ته‌واو ببێت، بۆ ئه‌م مه‌به‌سته‌ش تیمه‌كانیان 24 كاتژمێر خه‌ریكی نۆژه‌نكردنه‌وه‌ى ده‌بن.
کاری نۆژەنکردنەوەی ئه‌م بازاڕه‌ى هەولێر کرایە سێ شەفت و له‌ئه‌مڕۆوه كاره‌كان خێراتر به‌ڕێوه ده‌چن.
ئاماژه به‌وه كراوه، لەبەر بەرژەوەندی کاسبکاران و دوکاندارانی ناو بازاڕی قەیسەریی هەولێر، کارکردنی تیمەکانی شارەوانی و سەرجەم ئەو تیمانەی کار لە نۆژەنکردنەوەکەدا دەکەن، خێراتر كراوه.
ئێواره‌ی 5.5.2024 ئاگرێكی گه‌وره له بازاڕی قه‌یسه‌ریی هه‌ولێر كه‌وته‌وه و به‌هۆیه‌وه 227 دوكان و7 كۆگا سووتان و 132 كه‌سیش بریندار بوون، زیانه‌كانیش یه‌كجار زۆربوون.
شه‌ش رۆژ دواى رووداوه‌كه، ژیار جەلال، بەڕێوەبەری ژینگەپارێزی هەولێر بە 964ی وت، پرۆسەی پاککردنەوەی بازاڕه‌كه کۆتاییهاتووه توانیان بە سێ رۆژ ته‌واوى بكه‌ن.