هاوڵاتیان و تیمەکانى پۆلیسى دارستان هەوڵى کوژاندنەوەى ئاگرێک دەدەن لە سنوورى پێنجوێن... وێنە: پۆلیسى دارستان و ژینگەى سلێمانى
پێنجوێن
هەورە بروسکە 500 دۆنم دارستان و پوش و پاوانى سووتاند
964+
وریا فەتاح
لە سنوورى پێنجوێن، هەورە بروسکە 500 دۆنم دارستان و پوش و پاوان دەسوتێنێت و دواتر لەلایەن تیمەکانى پۆلیسى دارستان و هاوڵاتیانەوە کۆنتڕۆڵ دەکرێت.
هێمن کەمەرخان، وتەبێژی بەڕێوەبەرایەتیی پۆلیسی دارستان و ژینگەی پارێزگای سلێمانی بە 964ـى وت،”ئەمڕۆ یەکشەممە، لە سنووری گوندی گۆخڵانی سەر بە ناحیەی گەرمك لە قەزاى پێنجوێن، بە هۆکاری هەورە بروسکە ئاگرێك کەوتەوە و بووە ھۆی سووتانی زیاتر لە 500 دۆنم پوش و پاوان و داری سروشتی”.
بە وتەى هێمن کەمەرخان، لەگەڵ کەوتنەوەى ئاگرەکە، مەفرەزەیەكی بنکەی پۆلیسی دارستانی گەرمک بە سەرپەرشتی ئەفسەری بنکە گەیشتنە شوێنی دیاریکراو و بە هاوکاری بەشی پۆلیسی دارستانی پێنجوێن و خەڵکی ناوچەکە توانیان ئاگرەکە کۆنتڕۆڵ بکەن.
