هەزار منداڵ بەشداربوون
کەرنەڤاڵێکی پاسکیلسواری لە شارەزوور بەڕێوەچوو
964+
بڕوا مەجید – قەزای شارەزوور
چەند گەنجێکی قەزای شارەزوو کەرنەڤاڵێکی پاسکیلسوارییان بۆ منداڵانی تەمەن شەش تا 16 ساڵ رێکخستبوو و یەکێک لە رێکخەرانی دەڵێت، ئامانج لێی بەکولتوورکردنی پاسکیل لێخوڕین پاراستنی ژینگەیە.
عەلی عوسمان، یەکێک لە رێکخەرانی کەرنەڤاڵەکە بۆ 964 وتی، ” لەپێناو گرنگیدان بە ژینگە و تەندرووستییەکی باشتر هەستاین بە سازدانی کەرنەڤاڵێکی پاسکیلسواری بۆ منداڵانی قەزای شارەزوور و نزیکەی هەزار منداڵ بەشداربوون”.
وتیشی، “بەشێکی پێداویستییەکانی کەرنەڤاڵەکە لەلایەن بەرپرسانی حکومیی قەزاکەوە هاوکاری کراین و هەوڵ دەدەین لە ساڵانی ئاییندەدا دووبارەی بکەینەوە”.
پێداچوونەوە: پێشەوا محەمەد