دیمهنێكی كاتى دانان و ههڵواسینى رێنماییهكان له به‌نداوى گۆمه‌سپان... وێنه: راگهیاندنى قایمقامیه‌تى پیرمام
هاوڵاتیان هۆشیار ده‌كه‌نه‌وه
چه‌ندین تابلۆی رێنمایی له به‌نداوى گۆمه‌سپان داندران
964+
فه‌رهاد حه‌سه‌ن
قایمقامیه‌تى پیرمام و پۆلیسی ژینگه‌ى قه‌زاكه چه‌ندین تابلۆی رێنمایی جۆراوجۆریان بۆ هۆشیاركردنه‌وه‌ى هاوڵاتیان له به‌نداوى گۆمه‌سپان دانا و مه‌به‌ستیانه تاوه‌كو كارى به‌نداوه‌كه ته‌واو ده‌بێت هاوڵاتیان پابه‌ندی ئه‌م رێنماییانه‌یان بكه‌ن.
هێشتا به‌نداوه‌كه ته‌واو نه‌بووه، به‌ڵام هاوڵاتیه‌كی زۆر رووی تێده‌كه‌ن و وه‌كو شوێنێكی گه‌شتیاری مامه‌ڵه‌ى له‌گه‌ڵ ده‌كرێت.
پاكڕاگرتنى ژینگه‌ى به‌نداوه‌كه و پاراستنى باڵنده‌و گیانه‌وه‌رانى سنووره‌كه و نه‌بڕینه‌وه‌ى دار و دره‌خت، له‌و رێنماییانه‌ن كه له شوێنی جیاجیاى به‌نداوه‌كه داندراون.
حامید ئیسماعیل، قایمقامى قه‌زاى پیرمام، به 964ـى راگه‌یاند به‌پێویستیان زانیووه هه‌ر له ئێستاوه ئه‌و رێنماییانه بۆ هاوڵاتیان دابنێن بۆ پاراستنى سنوورى به‌نداوه‌كه.
وتیشی “پلانێكی فراوان بۆ به‌نداوه‌كه هه‌یه و چه‌ندین خزمه‌تگوزارى جیاجیاوا و پڕۆژه‌ى لێ دروست ده‌كرێت، به‌ڵام جارێ ده‌بێ چاوه‌ڕێى ته‌واوبوونى كاره‌كانى به‌نداوه بین”.
نه‌كه‌ن له‌خۆتانه‌وه پەنجەماسی بخه‌نه ناو بەنداوەکانی هەرێم
