لۆگۆی رێکخراوی هەنگاو.
هەریەکەیان پێنج ساڵ
لە ئێران 15 ژن بە 75 ساڵ زیندانیکردن سزا دران
964+
پێشەوا محەمەد
دەزگای دادوەریی کۆماری ئیسلامیی ئێران سزای 75 ساڵ زیندانیی بەسەر 15 ژنی سەر بە ئایینی بەهایی سەپاندووە، رێکخراوی هەنگاو دەڵێت، بۆ هەریەکەیان پێنج ساڵ و هەموو پەیوەندییەکی کۆمەڵایەتیشیان لێ قەدەغە کراوە.
رێکخراوەکە، کە چاودێریی رەوشی مافی مرۆڤ دەکات لە رۆژهەڵاتی کوردستان رایگەیاندووە، ئەو ژنانە بە چالاکیی فێرکاری و پڕوپاگەندەی دژ بە ئیسلام ئەو حوکمەیان بەسەردا دراوە.
ئاماژەی بەوەش داوە، هەر ژنێک لەوان 50 ملیۆن تمەن و لە دوای بەسەربردنی حوکمەکەشیان نە بۆیان هەیە ئێران جێبهێڵن نە بۆیان هەیە هیچ پەیوەندییەکی کۆمەڵایەتی دروست بکەن.
رێکخراوەکە جەختی لەوە کردووەتەوە، تا ئێستاش لە ئێران هاوڵاتیان لەسەر بیروباوەڕ دەستگیر دەکرێن و سزای بەندکرانیان بەسەردا دەسەپێندرێت.
حوکمدانی ئەو ژنانە لەکاتێکدایە، دەستگیرکردن و زیندانیکردنی ئەو ژنانەی چالاکی سیاسی دەکەن لەو وڵاتەدا بەردەوامە.