بۆ زانینی قەبارەی زیانەکان لیژنە پێکهێنراوە

964+

توانا نەقی

ئاگرەکەی دوێنێ شەوی بازاڕی قەیسەری جگە لەوەی چەند کەسێکی بریندار کرد زەرەرو زیانێکی زۆری مادیشی لێکەوتووەتەوە و بۆ زانیینی قەبارەی زیانەکانیش لیژنە پێکهێنراوە.

دوای کۆنترۆڵکردنی ئاگرەکە پارێزگاری هەولێر رایگەیاند، هەر ئەمڕۆ لیژنەکانیان دەستبەکار دەبن بۆ ئەوەی قەبارەی زیانەکان بزانن و هەروەها هۆکاری کەوتنەوەی ئەو ئاگرە گەورە ئاشکرا بکەن.

ئومێد خۆشناو ئاماژەی بەوەشکرد، نەک هەر ئەم ئاگرە دەبێت لێکۆڵینەوەی جدی بکەن لەسەر ئەو رووداوە زۆرانەی ئاگر کەوتنەوە کە لە هەولێر دەکەوێتەوە و بۆ رایگشتی ئاشکرای دەکەن.

سەبارەت بە هۆکارەکان وتی، بەشێکی کەمتەرخەمی هاوڵاتیان و خاوەن دوکانەکانە کە بە پەڕۆ شتومەک دادەپۆشن و بەشێک لە کاڵاکانیان لەدەرەوەی دوکانەکانیان بەجێ دەهێڵن.

شەوی رابردوو ئاگرێک لە بازاڕی قەیسەریی هەولێر کەوتەوە و تیمەکانی بەرگریی شارستانیی هەولێر، پۆلیس، ئاسایش، تیمەکانی تەندروستی، زێڕەڤانی و شارەوانی گەیشتنە شوێنی ڕووداوەکە و دوای نزیکەی چوار کاتژمێر توانرا کۆنترۆڵ بکرێت.

تاوەکو ئێستاش تیمەکانی بەرگری و شارستانی و فریاگوزاری لە بەردەم بازاڕی قەیسەری هەولێێر ماونەتەوە.

تیمەکانی فریاگوزاری و بەرگری شارستانی لە شوێنی ئاگرەکەی هەولێرن