لە داڤۆس نرخی هۆتێل 19هێندەی نرخی پێشووی بەرزبووەتەوە

+964
كوردستان ئەحمەد- هەولێر

لە ماوەی شەو و رۆژێكدا نرخی شەوێك مانەوە لە داڤۆسی پایتەختی سویسرا 19هێندە بەرزبووەتەوە.

بەهۆی دەستپێكردنی كۆڕبەندی ئابووریی داڤۆسەوە، نرخی یەك شەو مانەوە لەو هۆتێلەی كە كۆڕبەندەكەی لێدەكرێت، 19هێندەی نرخی رۆژی پێشووی بەرزبووەتەوە.

شەوی 15ـی كانونی دووەمی 2023 نرخی یەك شەو مانەوە بۆ یەك كەس لە هۆتێل كۆنكرۆدیای چوار ئەستێره‌ له‌ داڤۆس، تەنیا 130 یۆرۆ بوو، دەكاتە 223 هەزار و 750 دینار.

به‌ڵام نرخەكە دوای 24 كاتژمێر گۆڕدرا و نرخی شەوێك مانەوە لە هەمان هۆتێل، بوو بە 3 هەزار و 779 دۆلار، كە دەكاتە شەش ملیۆن و پەنجا هەزار دینار و 250 دیناری عێراقی.

داڤۆس، شارێکی سویسڕایە، لە هەمان کاتدا ناونیشانی کۆڕبەندێکی ئابوورییە و لە ساڵی 1979ـەوە، ساڵانە لە مانگی کانوونی دووەم، لەسەر گرفتە ئابووری و ژینگەییەکان کۆڕبەند بۆ سەرۆک و شارەزایانی ئابووری جیهان گرێدەدات.