وێنەی دەستگیر کراوەکە. فۆتۆ: پۆلیسی سلێمانی
خەڵک سکاڵایان کردووە
پۆلیسی سلێمانی: کەسێکمان دەستگیر کرد کە 38 فانی سپلیتی دزیوە
964+
ژووری هەواڵ
پۆلیسی سلێمانی دەستگیرکردنی کەسێکی راگەیاند کە تۆمەتبارە بەوەی لە چەند گەڕەکێک فانی سپلیتی ماڵانی لێکردووەتەوە دزیوێتی.
ئەمڕۆ چوارشەممە 17.4.2024، پۆلیسی سلێمانی رایگەیاند، لەسەر سکاڵای چەند هاوڵاتییەک و لەلایەن مەفرەزەکانی نوسینگەی نەهێشتنی تاوانی ئیبراهیم ئەحمەدەوە تۆمەتبارێک دەستگیرکرا.
“دوای ئەوەی چەند هاوڵاتیەک سکاڵایان تۆمارکرد کە فانی سپلیتەکانیان دزراوە… توانرا تۆمەتبار بدۆزرێتەوە و دەستگیر بکرێت کە لە چەند گەڕەکێکی شاری سلێمانی 38 فانی سپلیتی لە هاوڵاتیان دزیبو”، پۆلیسی سلێمانی وا دەڵێت.
تۆمەتبارەکە دانی ناوە بە تاوانەکانیدا و بەبڕیاری دادوەرو بەپێی مادەی 443 لە یاسای سزادانی عیراقی راگیراوە.
