دیمەنێک لە کۆبوونەوەى سودانى و بلینکن...وێنە: نوسینگەى سەرۆک وەزیرانى عێراق
ئەمەریکا پشتگیرى عێراق دەکات
سودانى و بلینکن کۆبوونەوە
964+
وریا فەتاح
ئێوارەی ئەمڕۆ دووشەممە بە کاتى عیراق، سەرۆکوەزیرانی عێراق و وەزیرى دەرەوەى ئەمەریکا، کۆبوونەوە و پەیوەندى نێوان هەردوو وڵات گفتوگۆیان لەبارەوە کرا.
بەپێى راگەیەندراوى نووسینگەى سەرۆک وەزیرانی عێراق، لە کۆبوونەوەکەی نێوان محەمەد شیاع سودانى و ئەنتۆنى بلینکن، وەزیرى دەرەوەى ئەمەریکا، کۆمەڵێک پرس گفتوگۆیان لەبارەوە کراوە، بە تایبەت لایەنى ئابوورى و هەلى کۆمپانیا ئەمەریکییەکان بۆ وەبەرهێنان لە عێراقدا.
لە کۆبوونەوەکەدا، سەرۆک وەزیران ئاماژەی بە لێکتێگەیشتنی دوولایەنە سەبارەت بە زۆرێک لە پرسەکان کرد و جەختی لەوە کردەوە، رێککەوتنی چوارچێوەی ستراتیژی نوێنەرایەتیی نەخشەڕێگایەک دەکات بۆ پەرەپێدانی پەیوەندییەکانی داهاتووی نێوان عێراق و ئەمریکا.
هەر لە کۆبوونەوەکەدا ئەنتۆنى بلینکن، پاڵپشتى واشنتۆنى بۆ عێراق دەربڕیوە، بە تایبەت لە چەسپاندنى عێراقێکى بەهێز و دیموکراسى و پەیوەندى تەندروست لەگەڵ وڵاتانى دراوسێ.
بەپێى راگەیەندراوەکە، وەزیرى دەرەوەى ئەمەریکا پاڵپشتى هەنگاوەکانى پەرەپێدان و چاکسازى بۆ حکومەتەکەى سودانى دەربڕیوە.