گرافیکی 964
سیستان و بەلوجستان
لە هێرشێکی چەکداریدا 5 پۆلیس لە ئێران کوژران
964+
توانا نەقی
لەلایەن ژماریەک چەکدارەوە هێرشکراوەتە سەردوو ئۆتۆمبێلی پۆلیس لە سیستان و بەلوجستانی ئێران و پێنج پۆلیس کوژراون و دانەیەکیش بریندارە.
ئاژانسی تەسنیمی فەرمی ئێران بڵاویکردەوە، هێرشەکە ئەم ئێوارە روویداوە و لەلایەن گروپی چەکداری (جەیش عەدل)کە هەرخۆیان بەرپرسیارێتی هێرشەکەیان لە ئەستۆ گرتووە.
لە هێرشێکی دیکەدا رۆژی 4.4.2024 کە لە شاری راسکی ئێران لە دیوی ئێرانەوە زیاتر لە 11 کەس کوژران و ژمارەیەکی زۆر لەوە زیاتر برینداربوون.
ئاژانسی تەسنیم ئاماژەی بەوەکرد هێرشەکە بۆ سەر بنکەی پۆلیس و بارەگای فەیلەقێکی سوپا بووە، زیاتر لە کاتژمێرێک شەڕ و رووبەڕووبوونەوە لەنێوان هەردوولادا روویداوە.
ئێران بەرپرسیارێتی ئەم هێرشەی خستووەتە ئەستۆی گروپی (جەیش عەدل) ئەو گروپە جوداخوازە ئێرانییەکی لە پاکستان بارەگایان هەیە و بەم دواییەش ئێران هێرشی موشەکی کردە سەریان.
