دیمهنى بهشێك لهو دارستانهى دسروشتییهى له پێنجوێن لهناو براوه... وێنه: پۆلیس و دارستان و ژینگهى سلێمانى
سێ كهسیان دهستگیر كردوون
له پێنجوێن رووبەرێکی فراوانی دارستان لەناو بران
964+
فهرهاد حهسهن
بهم بهیانییه له سنوورى قهزاى پێنجوێن پۆلیسی دارستان دهچێته شوێنێك كه دارستانى سروشتى لێیه، دهبینێت رووبهرێكی زۆرى ئهو دارستانه لهناوبراون.
وهك له دیمهنهكان دهردهكهوێت به شۆفڵ و ئامێری دیكه زۆربهى دارهكانى ئهم دارستانه لهرهگهوه ههڵێشراون و له شوێنی خۆیشی بهجێیان هێشتوون.
جۆرى دارهكان بهڕوو و مازوون.
پۆلیسی دارستان و ژینگهى سلێمانى باس لهوهدهكات، ئهوهى روویداوه له گوندى بناوهسوتهى سنوورى قهزاى پێنجوێنه و سێ كهسیش لهلایهن پۆلیسی دارستانى ئهم قهزایه دهستگیركراون.
دهشڵێت “ئهو كهسانهى دهستگیركراون، هەستابوون بە لەناوبردنی داری سروشتی و شێواندنی زەوی دارستانەکە”.
دەستەی پاراستن و چاککردنی ژینگەى ههرێم، سزای بڕینەوەی داری تەڕ و سەوزى به بهندكردن و پێبژاركردنى پاره دهستنیشانكردووه.
هەر کەسێک داری تەڕ و سەوز ببڕێتەوە بە 500 هەزار دینار سزا دەدرێت و ئهگهر ئهو سزا داراییەش نەدات، بە سێ مانگ بەندکردن سزا دەدرێت.
