زیانی لافاوەکەی چەند رۆژی رابردوو 64 ملیار دیناری تێپەڕاند

964+

توانا نەقی

ناوەندی هاوبەشی هەماهەنگی قەیرانەکان زیانی لافاوەکەی چەند رۆژی رابردووی بڵاوکردووەتەوە و بە زیاتر لە 64 ملیار دینار خەمڵێنراوە.

ناوندەکە دەڵێت، هەڵسەندگاندنی سەرەتایی بۆ زیانی بارانبارینی ماوەی نێوان 18.3.2024 تاوەکو 21.3.2024 لە هەرێمی کوردستان جگە لە زیانە گیانییەکان 64 ملیار دیناری تێپەڕاندووە.

بە پێی بڵاوکراوەکە ژمارەی گیان لەدەستدان سێ کەس و بریندار بوون 13 کەس و رزگارکراوان 764  کەس بوون لە زاخۆ و دهۆک.

هەروەها، ژمارەی گواستراوان بۆ هوتێلەکان 1579 کەس بوون ژمارەی زگارکراوانیش لەلافاو 35 کەس بوون.

زیانە مادیەکانیش بە شێوەیەک بوون، 21 خانوو بەتەواوەتی رووخاوە، 1821 خانوو زیانیان بەرکەوتووە، 236 ئۆتۆمبێل زیانیان پێگەیشتووە، 30 پرۆژەی حکومەت زیانیان پێگەیشتووە، 412 مارکێت زیانیان بەرکەوتووە، هەرەوها 33 شەقام زیانیان بەرکەوتووە و 400 ئاژەڵیش خنکاون.

کۆی گشتی ئەو زیانانەی تۆمار کراون لە ئیدارەی سەربەخۆی زاخۆ و پارێزگای دهۆک و پارێزگای هەولێر بە 64 ملیار و 125 ملیۆن و 225 هەزار دینار خەمڵێنراوە.

لافاوەکەی دهۆک زیانی بە چوار پارک و 50 دار گەیاندووە