دیمهنێكی ناوهندى قهزاى پێنجوێن _ وێنه: 964
دوو ساڵه خه‌ریكن
پێنجوێن كار بۆ به ئه‌رشیفكردنى مێژوو و كه‌لتووره‌كه‌ى ده‌كات
964+
فه‌رهاد حه‌سه‌ن
ماوه‌ى دوو ساڵه ژماره‌یه‌ك كه‌سایه‌تى و نووسه‌رى پێنجوێن، كار له‌سه‌ر به ئه‌رشیفكردنى مێژوو و كه‌لتوورى شاره‌كه‌یان ده‌كه‌ن و بۆ ئه‌م مه‌به‌سته‌ش خه‌ریكی دامه‌زراندنى ناوه‌ندێكی رووناكبیرین.
له پێنجوێن ئاگادارییه‌ك بڵاوكراوه‌ته‌وه بۆ هەموو خاوەن قەڵەم و کەسایەتیەکان كه له دوای جەژنی رەمەزان کۆبونەوەیەک سازدەکەن دەربارەی دامەزراندنی ناوەندی رووناکبیری بە مەبەستی بە ئەرشیفکردنی مێژوو و کلتووری سنورەکەیان.
جەوهەر سەعید زۆراب، یه‌كێك له‌و كه‌سایه‌تییانه‌ى پێنجوێن به 964ـى وت، ماوه‌ى دووساڵه كار له‌سه‌ر ئه‌م بابه‌ته ده‌كه‌ن و بۆ ئه‌م مه‌به‌سته‌ش گفتوگۆیان له‌گه‌ڵ چه‌ندین كه‌سایه‌تى و نووسه‌رى پێنجوێن كردووه.
وتیشی “ده‌مانه‌وێت به فه‌رمى ناوه‌ندێكی رووناكبیری دابمه‌زرێنین و تیایدا به‌شێوه‌یه‌كی كردارى ئه‌م كاره بكه‌ین”.
ئاماژه‌ى به‌وه‌شكرد، تا ئێستا وه‌ك پێویست كار له‌سه‌ر به ئه‌رشیفكیردنى مێژووى شاره‌كه‌یان نه‌كراوه، به‌وپێیه‌ى پێنجوێن خاوه‌نى مێژوو و ئه‌رشیفێكی زۆره، ده‌شڵێت “ئه‌وه‌ى تاوه‌كو ئێستا كراوه هه‌وڵى تاكه‌كه‌سیی بووه و شتى ساده‌ش كراوه”.
به‌قسه‌ى ئه‌م كه‌سایه‌تییه ده‌یانه‌وێت له هه‌نگاوى یه‌كه‌مدا دواى دامه‌زراندنى ناوه‌نده‌كه، گۆڤارێكی وه‌رزى ده‌ربكه‌ن و ته‌واوى ئه‌و بابه‌تانه‌ى تێدا بڵاوبكه‌نه‌وه كه له رووى ئه‌كادیمییه‌وه تایبه‌تن به مێژوو و كلتوورى ئه‌م شاره.
ره‌تیشیكرده‌وه كه ئه‌و هه‌وڵه‌یان له‌چوارچێوه‌ى پڕۆژه‌ى “پێنجوێن شارى فێربوون” بێت، كه ماوه‌ى نزیكه‌ى ساڵێكه له‌و شاره كارى له‌سه‌ر ده‌كرێت.
