زیانەکانیان چەندە؟
دوو دوكان له بنه‌سڵاوه به ته‌واوی سووتان
964+
ئه‌حمه‌د شه‌مزین
له قه‌زای بنه‌سڵاوه‌ی هه‌ولێر، دوو دوكان، كه به دیواری ماڵێكه‌وه‌ن، به ته‌واوی سووتان، كه یه‌كێكیان شووشه‌وات و ئه‌وی دیكه‌شیان كه‌لوپه‌لی غاز ده‌فرۆشت.
به پێی زانیارییه‌كانی 964، ماڵه‌كه‌ش زۆری سووتاوه و ته‌نیا ژووری نووستنه‌كه‌یان به سه‌لامه‌تی ده‌رچووه.
تیمه‌كانی به‌رگریی شارستانی ئاگره‌كه‌یان كۆنتڕۆڵ كرد، به‌ڵام زیانێكی زۆری هه‌بوو.
خاوه‌نی یه‌كێك له دوكانه‌كان به 964ی وت، زیانی نزیكه‌ی 10 ده‌فته‌ر دۆلاریان پێگه‌یشتووه.
داڕشتنه‌وه: ئه‌رسه‌لان عه‌بدوڵا
