“نووسراوێکی راکان جبوری لەبارەی ئاوارەکانی کەرکوک پوچەڵ دەکرێتەوە”

964+

ژووری هەواڵ

ئەو نووسراوەی راکان جبوری، پارێزگاری بەوەکالەتی کەرکوک، کە تێیدا داوای کردبوو ئاوارەکانی شارەکە بکرێنە خەڵکی رەسەنی شارەکە، پوچەڵ دەکرێتەوە و کاری پێناکرێت.

ئەمڕۆ دووشەممە 11.3.2024، ئەحمەد کەرکوکی، ئەندامی هەڵبژێردراوی ئەنجومەنی پارێزگای کەرکوک بە 964ـی راگەیاند، هەواڵم بە راکان جبوری دا کە ئەمە قبوڵکراو نییە و لە وەڵامدا دوێنێ یەکشەممە وتی سبەینێ نووسراوی پوچەڵکردنەوەی ئەو نووسراوەتان بۆ رەوانە دەکەین.

مێژووی نووسراوەکەی راکان جبوری دەگەڕێتەوە بۆ رێکەوتی 5.3.2024، تێیدا دەڵێت “ئەوەی دانیشتووی رەسەنی کەرکوکە و سەرجەم بەڵگەنامەکانیان لە فەرمانگە فەرمییەکانی کەرکوکەوە دەرچووە، ناوی کۆچبەری لێنانرێ”.

هاوکات پەروین فاتیح، ئەندامی هەڵبژێردراوی ئەنجومەنی پارێزگای کەرکوک هەواڵەکەی بۆ 964 پشتراستکردەوە و رایگەیاند، بۆ ئەو بابەتە “لەسەر خەتین”.

بە وتەی ئەحمەد کەرکوکی، 92 هەزار و 640 ئاوارەی خوارووی عێراق لە کەرکوک هەن، لە دژی بڕیارەکەی راکان جبوریش پەوەندییان بە وەزیری کۆچ و کۆچبەرانی عێراقەوە کردووە.

ئەگەر بڕیارەکەی راکان جبوری پەسەند بکرێت و جێبەجێبکرێت، ئەوا دەبێت ئاوارەکانی ناو سەنتەری شار و قەزا و ناحیە و گوندەکانی دەوروبەر، وەک خەڵکی رەسەنی کەرکوک ھەژمار بکرێن، نەک ئاوارە، چونکە ھەموو بەڵگەنامەیەکی رەسمییان لە فەرمانگە رەسمییەکانی کەرکوک بۆ دەرکراوە.

تاقیکردنەوەی دەرەکی بۆ ئاوارە کەرکوکییەکانی هەرێم گەڕایەوە