964+
لەوێ بە خاکى دەسپێرن
ژنە عەمرەکارێکی کورد لە سعودیە گیانی لەدەستدا
964+
ئاکام غەفور-شەقلاوە
دواى حەوت رۆژ لە چوونى بۆ عەمرە، ژنێکى کوردى خەڵکى سنورى قەزاى شەقڵاوە لە وڵاتى سعودیە گیانى لەدەستدا. بڕیاریشە هەر لەوێ بەخاکى بسپێرن.
درەنگانێکى شەوى رابردوو، فاتیمە عەبدوڵا کە ژنێکى خەڵکى گوندى لاسە-ى قەزاى شەقڵاوەیە، لە وڵاتى سعودیە و لە کاتى بەجێهێنانى عەمرەدا گیانى لەدەستدا.
پێشڕەو خالید کوڕى ئەو ژنەیە کە لە سعودیە گیانى لەدەستداوە، قسەى بۆ 964 کردووە و دەڵێت: دایکى تەمەنى 58 ساڵە و هیچ کێشەیەکى تەندروستى نەبووە، ماوەى حەوت رۆژە بۆ بەجێهێنانى عەمرە لە وڵاتى سعودیەیە و شەوى رابردوو گیانى لەدەستداوە.
بە وتەى پێشڕەو خالید، ئەمڕۆ لە گوندەکەیان پرسە بۆ دایکیان دادەنێن، بەڵام تەرمى دایکیان ناگەڕێننەوە و هەر لە وڵاتى سعودیە بە خاک دەسپێرن.
بەپێى ئامارەکانى حەج و عومرەى هەرێمى کوردستان، لە سەرەتاى ساڵى 2024ـەوە، سێ عەمرەکارى کورد لە وڵاتى سعودیە، گیانیان لەدەستداوە.
پێداچوونەوە- وریا فەتاح
