حاسڵاتی ئەمڕۆ
شەڕ گەیشتە رەفەح و ناتەنیاهۆ دەڵێت “بەردەوام دەبین”
964+
ژووری هەواڵ
لە دوێنێ شەوەوە هێرش و بۆردومان و ئۆپەراسیۆنی تایبەتی ئیسرائیل بۆسەر رەفەح دەستی پێکردووە و زیاتر لە 100 کەس کوژراون.
سوپای ئیسرائیل رایگەیاند، لە ئۆپەراسیۆنەکەیان بۆ شاری رەفەح توانیویانە دوو دیلی ئیسرائیلی لە چنگی حەماس رزگار بکەن و دوو سەربازیشیان کوژراوە.
رێکخراوی یونسێف رایگەیاند، گواستنەوەی دانیشتووانی باکووری غەزە بۆ ناوەراست و باشوور کارێکی زەحمەتە.
ناتەنیاهۆ دوای هێرشەکەی رەفەح رایگەیاند، هیچ هەلێک لەدەست نادەین بۆ رزگارکردنی دیلەکانمان و بە هەموو شێوەیەک بەردەوام دەبین لە جەنگی دژی حەماس.
گرژییەکانی دەریای سوور تا دێت زیاتر دەبێت و حوسییەکانی یەمەن دەڵێن: کەشتییەکی ئەمریکیان بە ناوی “ستار ئایرس” لە دەریای سوور کردووەتە ئامانج.
