یەکێک لەو ئۆتۆمبێلانەی ئەمشەو لەسەر رێگای کفری و کەلار دووچاری رووداوی هاتوچۆ بووە. وێنە: هاتوچۆی گەرمیان.
تەمەنی 41 ساڵە
لە رێگای کەلار بۆ کفری رووداوێکی هاتوچۆ ژیانی لە کەسێک سەندەوە
964+
فەهمی نەبی
ئەمشەو لەسەر رێگای کەلار بۆ کفری بەرامبەر ناحیەی رزگاری بەهۆی رووداوی هاتوچۆ کەسێکی تەمەن 41 ساڵ گیانی لەدەستدا و کەسێکی دیکەش بریندار بوو.
بەڕێوەبەرایەتی هاتوچۆی گەرمیان دەڵێت، لەنزیک بەنزیخانەی ئاسودە بەرامبەر ناحیەی رزگاری دوو ئۆتۆمبێل لەجۆری نیسان ناڤارا و تۆیۆتا لاندکرۆزەر پێکیانداکێشاوە و دواتر ئۆتۆمبێلی جۆری نیسان خۆی بە ستونێکی کارەبادا کێشا، بەهۆیەوە شۆفێری ئۆتۆمبێلی جۆری نیسان ناڤارا گیانی لەدەستدا و شۆفێری تۆیۆتا لاندکرۆزەرەکە برینداربووە.
بەگوێرەی ئەو زانیاریەی هاتوچۆی گەرمیان بڵاویکردوەتەوە، ئەو کەسەی گیانی لەدەستداوە لەدایکبووی ساڵی 1983یە و دانیشتووی ناحیەی رزگارییە و هەردوو ئۆتۆمبێلەکە بەرەو قەزای کفری رۆیشتوون.
