دیمەنی پاشماوەی کۆنکرێت لەگەڵ میکسەرێک.وێنە. قایمقامیەتی رانیە
لە رانیە
کۆمپانیاکانی ئامادەکردنی کۆنکرێت ئاگادار کرانەوە
964+
توانا نەقی
ئۆتۆمبێلی گواستنەوەی کۆنکرێتی هەر کۆمپانیایەک لە رانیە جارێکی دیکە پاشماوەی کۆنکرێت لەسەر شەقام و کۆڵانەکان فڕێبدات سزا دەدرێت.
قایمقامیەتی رانیە بڵاویکردەوە، لیژنەکانیان سەردانی ئەو کۆمپانیاکانیان کردووە بە مەبەستی رێگریکردن لە فڕێدانی کۆنکرێت لە شەام و کۆڵانەکان.
دەشڵێت، کۆمپانیاکان ئاگادار کراونەتەوە سەرجەم شۆفێرانیان پابەند بکەن پاشەڕۆی میکسەرەکانیان لەناو کارگەدا فرێ بدەن و بە غەسلی ناو کارگەکە رۆژانە ئامێرەکانیان پاک بکەنەوە.
ئاماژە بەوەشکراوە، “لەکاتی روودانی ئەم سەرپێچیە داوا لە هاوڵاتیان دەکەین وێنەی ئامێرەکانمان بۆ بنێرن بۆ ئەوەی لێپرسینەوەی یاسایی بەرامبەر سەرپێچیکاران ئەنجام بدەین”.
فرێدانی پاشماوەی کۆنکرێتی ناو میکەسەرەکان لەگەڕەک و شوێنە گشتییەکان زۆرە و هەندێک جار ئەو پاشماوەیە وەک تاسەیەکی لێدێت و یان رێگاکە تێک دەدەت.
بۆ گەیاندنی سکاڵاو زانیاری بۆ قائمقامیەتی قەزای رانیە پەیوەندی بکەن بە ژمارە مۆبایلی 07708593000.
