کارمەندێکی کارەبای راپەڕین لەکاتی چاکسازیکردن لە تۆڕەکانی کارەبادا - فۆتۆ: بەڕێوەبەرایەتی کارەبای راپەڕین
مانگانە چەند محاویلەیان تێکدەچێت؟
کارەبای راپەڕین پێنج محاویلە دەکڕێت
964+
پێشەوا محەمەد
بەڕێوەبەرایەتیی کارەبای راپەڕین داوای پێنج محاویلەی کردووە و دەڵێت، هەر کۆمپانیایەک دەتوانێت دابینی بکات تەندەریان پێشکەش بکات.
964 دەزانێت، بەڕێوەبەرایەتییەکە ئەو محاویلانەی بۆ یەدەگ دەوێت، تا هەر محاویلەیەک سووتا و لەکارکەوت تا کاتی چاککردنەوەی ئەو یەدەگانە بەکاربهێنێت.
عەلی محەمەد، بەڕێوەبەری گشتیی کارەبای راپەڕین بە 964ـی راگەیاند، ئەوان لە سنوورەکەیان سێ هەزار محاویلەیان لەکاردان و مانگانە پێنج تا 10 محاویلەیان لەکاردەکەون.
وتیشی، “محاویلەی تری یەدەگیشمان هەیە، بەڵام ئەوانەش پێویستن، چونکە هەر محاویلەیەک تێکبچێت ئەگەر چاک بکرێتەوە ئەوا ماوەی مانگێک بۆ مانگ و نیوێکی پێدەچێت”.
ئیدارەی راپەڕین خاوەنی 104 هاوبەشی کارەبایە و هاوبەشەکانیش بەردەوام لە زیادبووندان.
“ئەگەر محاویلەیەک لەکارکەوت یان سووتا و چاک نەکرایەوە ئەوا یەکێک لەو یەدەگانە بە شێوەی جێگیر لە شوێنەکەی دادەندرێت”، بەڕێوەبەری کارەبای راپەڕین وای وت.
