پارێزگار و قایمقام بوونە ئەفەندی

+964

پەری ساڵح

لە هەولێر یادی رۆژی ئەفەندییەکان بە پێشانگایەک و نمایشکردنی چەند چالاکییەک کرایەوە و پارێزگار و قایمقام و کەسایەتییەکانی شار کڵاوی ئەفەندییان لەسەر کرد.

ئەمڕۆ شەممە 3.2.2024 بە چالاکی و بیرەوەری و پێشانگایەکی وێنەی کەسایەتییە ئەفەندییەکان، لە هەولێر یادی رۆژی ئەفەندییەکان کرایەوە، پەیجی پارێزگاری هەولێر ئاماژەی بەو داوە ”ئەم یادە تایبەتە بە زیندووکردنەوەی ئەتەکێت و ویقاری مامۆستایانی دێرین لە سەدەی رابردوودا”.

کڵاوی ئەفەندییەکان، سەردەمانێك خەڵكێكی زۆر لە سیاسەتمەدار، فەرمانبەر، مامۆستا و قوتابی و هێزەكانی پۆلیس لەسەریان دەكرد، بەپێی هەندێک سەرچاوەی مێژوویی دەگەڕێتەوە بۆ سەردەمی مەلیک فەیسەڵی دووەم و لە کوردستان و تەواوی نەتەوە هاوبەشەکانی عێراقدا بەکارهێندراوە.

هه‌ولێر ره‌ش و سپی زیندوو ده‌كاته‌وه‌