دیمهنێكی كاتى رادهستكردنهوهى كێڵگه پاككراوهكه لهلایهن دهزگاى مینى گهرمیان.. وێنه: راگهیاندنى ناحیهى پێباز
كێڵگهیهكی پاككراوه كرایهوه لهوهڕگا
هێندهى نهماوه ناحیهى پێباز بهتهواوهتى له مین پاكبكرێتهوه
964+
فهرهاد حهسهن
له ناحیهى پێبازی سنوورى ئیدارهى گهرمیان، كێڵگهیهكی مین دواى پاككردنهوهى، رادهستى ئهنجومهنى گوندێك كرایهوه و لهسنوورى ناحیهش تهنیا یهك كێڵگه ماوه بۆ ئهوهى ئهم ناحیهیه مین و تهقهمهنى تێدا نهمێنێت.
كێڵگه مینهكه، له گوندی لەواوان “پاریاوڵەی بچوک” بوو، پێشتر بارهگاى سریەی بووه و بهكێڵگه مینى -C ناسراوه.
عهدنان عهلی محهمهد، بەڕێوەبەری ناحیە پێباز به 964ـى وت، كێڵگه مینه پاككراوهكهى ئهم گونده كهوتبووه نزیك رێگاى سهرهكى كهلار – سلێمانى و رووبهرهكهى 15 ههزار و 500 مهتر دووجایە.
وتیشی “پێشتر زهویهكه وهك موڵكى گشتى لهوهڕگا بووه و ئێستاش دواى رادهستكردنهوهى به ئهنجومهنى گوند، ههر بۆ لهوهڕگا بهكاردههێندرێتهوه”.
ئاماژهى بهوهشكرد، له سنوورى ناحیهكهیان تهنیا كێڵگهیهكی دیكهى مین ماوه پاكبكرێتهوه و داواشی له دهزگاى مینى گهرمیان كرد دهست به پاككردنهوهى بكهن.
بهپێی راگهیهندراوێكی ناحیه، له مهڕاسیمی رادهستكردنهوهى ئهم كێڵگه مینه کەسایەتی دیاری ناوچەکە و لێپرسراوى دەزگای مین لهگهرمیان ئامادهى بوون.
