لە هەولێر نرخی بەنزین دابەزی

964+

ژووری هەواڵ

لە هەولێر نرخی هەرسێ جۆرەکەی بەنزین، لەنێوان 50 بۆ 125 دینار دابەزی و بەشێک لە بەنزینخانەکان لیترێک نۆرماڵ بە 675 دینار دەفرۆشن.

ئەمڕۆ هەینی 26.1.2024، مەروان یاسین، خاوەنی یەکێک لە بەنزینخانەکانی هەولێر بە 964ـی راگەیاند، لەلای ئەوان نرخی لیترێک نۆرماڵ 125 دینار دابەزیوە و لە 800 دینارەوە بووەتە 675 دینار.

هەروەها بەنزینی سوپەر لە 1500 دینارەوە بووەتە 1400 دینار، محەسەنیش بووەتە 1195 دینار.

هۆکاری دابەزینی نرخی بەنزین بەهۆی دابەزینی بەهای دۆلارە بەرامبەر بە دینار، هەروەها رێگەدان بە هاوردەکردنی بەنزینی دەرەکی هۆکارێکی دیکەیە.

ئەو بەنزینەی لەسەر شەقامەکان دەفرۆشرێت لە کوێوە دێت؟