دیمەنی تیمێیکی کارەبا لە زاخۆ .وێنە قایمقامیەتی زاخۆ
"بە نایاسایی راکێشڕابوون"
قایمقامیەتی زاخۆ کارەبای 30 ماڵ و شوێنی بازرگانی بڕی
964+
شڤان عەبدوڵا – زاخۆ
ئەمڕۆ 22.1.2024 لیژنەی چاودێری و بەدواداچوون لە قایمقامیەتی زاخۆ، کارەبای 28 ماڵ و هۆتێلێک و چەندین شوێنی بازرگانی بڕی، کە بە نایاسایی کارەبای نیشتمانییان راکێشا بوو، بەبێ ئەوەی بە پێوەری زیرەکی کارەباوە لکاو بێت.
وەڵات هەجەر، سەرۆکی لیژنەکە بە 964 وتی: ئەو سەرپێچیکارانە سزا دەدرێن بۆ ئەوەی ببنە وانەیەک بۆ هەموو ئەو کەسانەی کاری نایاسایی دەکەن و وا دەزانن فێڵەکانیان سەردەگرێت، لیژنەکانمان بەردەوام دەبن لە بەدواداچوون و رێگە نادەین هیچ کەس و شوێنێک سەرپێچی ئەنجام بدات”.
زیاترە لە ساڵێک قایمقامیەتی زاخۆ لیژنەیەکی هاوبەشی پێکهێناوە بۆ بەدواداچوونی بابەتە جیاجیاکان وەک (چاودێریی بازاڕ، قورخکردنی شۆستەی پیادە لەلایەن دوکانداران و راکێشڕانی هێڵی ئاو و کارەبای نایاسایی و هتد.. ) بۆ ئەوەی رێگە لە سەرپێچییەکان بگرن و کۆنترۆڵی شارەکە بکەن.
