وێستگەیەکی کارەبا لە چەمچەماڵ - وێنە: پەیجی کارەبای سلێمانی لە فەیسبووک
کارەبا دەگەیەنێتە گوندەکانیش
وێستگەیەکی کارەبا بۆ ناحیەی قادر کەرەم دەکرێتەوە
964+
ژووری هەواڵ
وێستگەیەکی نوێی کارەبا بە توانای بەرهەمهێنانی 10 مێگاوات دەکەوێتە کار و کارەبا دابیندەکات بۆ ناحیەی قادر کەرەم و گوندەکانی دەوروبەری.
ئەمڕۆ سێشەممە 16.1.2024، رەمک رەمەزان، قایمقامی چەمچەماڵ بە 964 راگەیاند، بڕیارە رۆژی پێنجشەممە وێستگەکە بخرێتەکار و کارەبای ناحیەی قادر کەرەم و گوندەکانی بە سێ فیدەرەوە بە وێستگەکە دەبەسترێتەوە و بەشێک لە کێشەی کەمیی کارەبا و نزمیی ڤۆڵتییە چارەسەر دەبێت.
بە مەبەستی کردنەوەی وێستگەکە، رۆژی دووشەممە بەڕێوەبەری گواستنەوەی وزەی کارەبای سلێمانی و شاندێکی یاوەری سەردانی قایمقامیەتی قەزای چەمچەماڵیان کرد.
لە رێکەوتی 15ـی تشرینی دووه‌می 2023 وێستگەی دابەشکردنی کارەبای ناحیەی قادرکەرەم كرایه‌وه، كه تێچووه‌كه‌ی یه‌ك ملیۆن دۆلاره و له‌لایه‌ن وەزارەتی کارەبا و وەزارەتی سامانە سروشتییەکان و بە هەماهەنگی لەگەڵ کۆمپانیای نەوتی هیلال و دانەغاز جێبه‌جێكراوه.
