دیمەنێکی قەزای ئاکرێ _ وێنە: 964
"وەبەرهێنانی سنوورەکە فراوان دەبێت"
وەبەرهێنانی ئاکرێ و بەردەڕەش چاوەڕێن بینایان بۆ دروست بکرێت
964+
پێشەوا محەمەد
بەڕێوەبەرایەتی وەبەرهێنانی دهۆک هەموو شتێکی ئامادەیە جگە لە بینا، بەڕێوەبەری وەبەرهێنانی دهۆک دەڵێت ئەو بەڕێوەبەرایەتییە کاریگەری باشی بۆ سەر بووژانەوەی ئەو ناوچانە هەیە.
بەڕێوەبەرایەتییەکە لە ئاکرێ دەبێت و بەڕێوبەرەیشی بۆ دیاریکراوە و دوو شوێنیش بۆ بەکرێگرتنی بیناکە دەستنیشان کراون و بڕیار وایە بە زوویی بڕیار لە شوێنێکیان بدرێت.
هەڤاڵ سدیق، بەڕێوەبەری وەبەرهێنانی دهۆک بە 964ـی وت، “بەڕێوەبەرایەتییەکە سەرپەرشتی پڕۆژەکانی هەردوو قەزاکە دەکات و ئەوان مامەڵە و بەدواداچوون بۆ پڕۆژەکان دەکەن و مۆڵەتەکانیش لای ئێمەوە رەزامەندیان لەسەر دەدرێت”.
وتیشی، “لە سنووری قەزای ئاکرێ 13 پڕۆژەی وەبەرھێنان، لە بەردەڕەشیش 14 پڕۆژە بوونیان هەیە و بە کردنەوەی ئەو بەڕێوەبەرایەتییە ئەو دوو قەزایە لە رووی وەبەرهێنان و بووژانەوەوە چەند هەنگاوێک دەچنەپێشەوە”.
