باڵەخانەی قایمقامیەتی سلێمانی - وێنە: 964
نزیکەی حەوت هەزار سەردان کراوە
مانگی رابردوو قایمقامیەتی سلێمانی 52 شوێنی داخستووە
964+
پێشەوا محەمەد
مانگی رابردوو قایمقامیەتی سلێمانی شەش هەزار و 725 سەردانی بۆ دوکان و بازاڕ و شوێنە گشتییەکان ئەنجام داوە و بە وتەی خۆیان 52 شوێنیان داخستووە.
لە سەردانی لیژنە هاوبەشەکاندا، 534 شوێن پسوڵەی سەرپێچییان بۆ کراوە، 374 شوێن ئاگادارکردنەوەیان دراوەتێ و 93 ملیۆن و 165 هەزار دیناریش سزای دارایی چەند شوێن و دوکانێک دراوە.
قایمقامیەتی سلێمانی ئەمڕۆ پێنجشەممە 4.1.2024 بڵاوی کردووەتەوە، مانگی رابردوو 31 تۆن كاڵا و شمه‌ك و خوارده‌مه‌نی خراپ و ماوه‌به‌سه‌رچوو لەناوبراوە.
“لیژنەکانی قایمقامیەتی سلێمانی بە قەیران و بە بێ موچەیی دڵسۆزانە بەردەوامن و بە چڕی هەوڵی پاراستنی ژیان و تەندروستی هاوڵاتیان دەدرێت”، رێکان جەمال، سەرۆکی لیژنە هاوبەشەکانی قایمقایەتی سلێمانی وای بە 964 وت.
دەشڵێت، بۆ ساڵی 2024 پلانی ورد هەیە و بە هەمان رۆحیەتی پێشووەوە بەرگری لە تەندروستی هاوڵاتیانی شاری سلێمانی دەکەن.
مانگی 11 لیژنەکان زیاتر لە حەوت هەزار سەردانیان کردبوو و 62 شوێنیشیان داخستبوو.
