کۆنتڕۆڵ کرا
شه‌وی جه‌ژنه و ئاگرێك له عه‌نكاوه كه‌وته‌وه
964+
شیراز عەبدوڵا
سه‌رچاوه‌یه‌كی ئاگادار به 964ی راگه‌یاند، ئاگرێك له سه‌ر باڵه‌خانه‌یه‌ك له قه‌زای عه‌نكاوه‌ی نزیك هه‌ولێر كه‌وتووه‌ته‌وه.
ئاگره‌كه له جووتسایدی عه‌نكاوه‌یه و تیمه‌كانی ئاگركوژێنه‌وه ئێستا گه‌یشتوونه‌ته شوێنی رووداوه.
پەیامنێری 964 گەیشتە شوێنی رووداوەکە و زانیاری ئەوەی دەستکەوت ئاگرەکە بە زوویی کۆنتڕۆڵ کرا.
کافی عەبدولقادر، بەرپرسی ژووری حەرەکات لە بەرگریی شارستانی هەولێر به 964ی راگه‌یاند، چوار تیم له هه‌ردوو بنكه‌ی عه‌نكاوه و شۆڕش به خێرایی توانیان ئاگره‌كه كۆنتڕۆڵ بكه‌ن.
وتیشی، دوو تانگی گاز له‌سه‌ر باڵه‌خانه‌یه‌كی دوو نهۆمی ته‌قیبوون و دوو كرێكار بریندار بوون، كه له‌وێ كاریان كردووه و گواستراونه‌ته‌وه نه‌خۆشخانه.
سه‌باره‌ت به ره‌وشی برینداره‌كان، كافی عه‌بدولقادر رایگه‌یاند هیچ زانیارییه‌كیان نییه.
هه‌روه‌ها راشیگه‌یاند، خه‌ریكی لێكۆڵینه‌وه ده‌بن بۆ دیاریكردنی هۆكاری ئاگره‌كه و زه‌ره‌ر و زیانه مادییه‌كانی.
ئه‌م ئاگره له كاتێكدا بوو، ئه‌مشه‌و هاوڵاتیانی قه‌زای عه‌نكاوه به‌بۆنه‌ی جه‌ژنی له‌دایكبوونی حه‌زره‌تی مه‌سیحه‌وه ئاهه‌نگ ده‌گێڕن.
پێداچوونه‌وه: ئه‌رسه‌لان عه‌بدوڵا
