بە رێژەی 100% ئاوی زیاد بووە
بارانی ئەم دوو رۆژە پۆندی دینارتەی بوژاندەوە
964+
زەید کۆچەر – دهۆک
بەهۆی ئەو بارانە بەخوڕەی دوو رۆژی رابردوو، پۆندە مامناوەندەکەی دینارتە لە قەزای ئاکرێ بە رێژەی 100% بوژاوەتەوە.
ئەم پۆندە دوو گوندی لێ نزیکە، هۆبەی ئاودێری ئاکرێ دەلێت، مەترسی لەسەر بەنداوەکە نییە.
رەمەزان شەریف، بەرپرسی هۆبەی ئاودێری ئاکرێ بە 964ی وت، چەند رۆژێک پێش ئێستا پۆندی دینارتە – ئاکرێ رێژەی ئاوی تەنیا 20% بوو، بەڵام بەهۆی باران بارینی بەلێزمەی ئەم دوو رۆژە، ئاوی بەنداوەکە بەرێژەی 100% پڕ بووە.
ئەوەشی وت، “ئێمە لە دۆخی پۆندەکە پشت راست بووینەتەوە، هەریەکە گوندەکانی “سەرگەلی و مەفرەق دینارتە”ی لێ نزیکە و هیچ مەترسیەکی بۆ ئەو گوندانە نییە.
پۆندی مامناوەندی دینارتە 12 مەتر بەرزە و توانای گڵدانەوەی 500 هەزار مەتر سێجا ئاوی هەیە.
