چهند دیمهنێكی لادانى سیاجێكی سنوورى چوارقوڕنه... وێنه: راگهیاندنى شاره‌وانى
شاره‌وانی چوارقورنه سیاجه نایاساییه‌كانى لادا
964+
فه‌رهاد حه‌سه‌ن
شاره‌وانى چوارقوڕنه هه‌ڵمه‌تێكی لابردن و رووخانى ئه‌و سیاجانه‌ى ده‌ستپێكرد كه له سنووره‌كه‌یدا بۆ باخه‌كان داندراوه و ده‌ڵێت، رێگه‌پێدراو نیه.
شاره‌وانى بڵاویكرده‌وه، به‌شی زیاده‌ڕۆیی و پۆلیسی سه‌رۆكایه‌تی شاره‌وانی هه‌ڵمه‌تێكی لادانى ئه‌و زیاده‌ڕۆییانه‌یان جێبه‌جێ كرد كه كه‌تبوونه سه‌ر رێگای قڕوجه و رووبه‌ری حه‌وت دۆنم زه‌وی له‌لایه‌ن هاوڵاتییه‌كه‌وه سیاج كرابوو.
شاروانى داوا له هاوڵاتیان ده‌كات دووربكه‌ونه‌وه له زیاده‌ڕۆییكردن بۆ سه‌رموڵكی گشتی، چونكه ده‌ڵێت “تاوانكردنی زیاده‌ڕۆیی تووشی سزایی یاساییان ده‌كاته‌وه”.
