پیشەوەران بەرهەمیان بۆ کڕیاران ئامادە کردووە _ وێنە: 964
بەڕێوەبەرایەتیی کۆمپانیاکان کرانەوە
ناوی پیشەکەت تۆمار نەکەیت یەکێکی دیکە دەیبات
964+
ئەحمەد مستەفا
قایمقامیەتی رانیە داوا لە سەرجەم پیشەوەرانی ئیدارەکەی دەکات، سەردانی بەرێوەبەرایەتیی کۆمپانیاکانی سلێمانی بکەن بۆ دەستەبەرکردنی ناوی بازرگانیی خۆیان.
ئێستا لە سەرجەم پارێزگاکانی سلێمانی، هەولێر و دهۆک بەرێوەبەرایەتیی کۆمپانیاکان کراوەتەوە، هەموو خاوەن پیشەیەک دەتوانێ، “ناوی بازرگانی خۆی تۆمار بکات”.
لە راگەیەندراوێکدا، کە ئەمڕۆ چوارشەممە 13.12.2023 قایمقامیەتی رانیە بڵاویکردووەتەوە و 964 بینیویەتی دەڵێت، “پیشەوەر و بازرگانان تا شوێنکارەکەیان دەستەبەر بکەن، بۆ ئەوەی هاوڵاتییەکی دیکە نەتوانێت ناوی بازرگانی هاوشێوەی کار و پیشەکەت دەستەبەر بکات، پێویستە سەرجەم پیشەوەر و بازرگانان بچن بۆ تۆمارکردنی ناوی پیشەکەیان”.
ئاماژەی بەوەش کردووە، “هاوڵاتی با چەند ساڵێک خاوەنی ناوی پیشەیەک بێت، ئەگەر لە بەڕێوەبەرایەتیی کۆمپانیاکان ناوی پیشەکەی تۆمار نەکردبێت، ماف و خاوەندارێتی بۆ ئەو هاوڵاتییە دەبێت، کە زووتر ناوی بازرگانی دەستەبەر کردووە، بۆیە دەتوانن سەردانی بەڕێوەبەرایەتی کۆمپانیاکانی سلێمانی بکەن بۆ دەستەبەرکردنی ناوی بازرگانی خۆتان”.
