ئیرلینگ هالاند. وێنە:SKY SPORT
پێکانى هەیە
هالاندیش دەچێتە سعودیە
964+
وریا فەتاح
فەیلەسوفەکەى مانچێستەر ستى، گومانى لە پێکانى هالاند هەیە و دڵنیا نییە کەى دەگەڕێتەوە بۆ یاریکردن، بەڵام چاوەڕوان دەکرێت بۆ گەشتى سعودیە ئامادەبێت و بەشدارى مۆندیالى یانەکان بکات.
لە یارییەکەى شەوى رابردوویان بەرامبەر لۆتن تاون، مانچێستەر ستى بێ هالاندى پێوە دیاربوو، نەیانتوانى وەک پیشەى هەمیشەییان بە زوویى بگەنە سەر گۆڵى رکابەرەکەیان و بە زەحمەت و بە ئەنجامى 2-1 گۆڵ براوە بوون.
سکاى سپۆرتس بڵاوى کردووەتەوە، پێپ گواردیۆلاى راهێنەرى ستیزن، دوودڵ و بە گومانە لە پێکانى هێرشبەرەکەی و دڵنیاش نییە کەى دەگەڕێتەوە بۆ یاریگەکان.
چاوەڕوان دەکرێت، ئەگەر هالاند رۆژى 16ى مانگ سەردانى کۆشکى کریستاڵ پاڵاس نەکات و یەکێک نەبێت لە ئەندامانى تیمەکەى پێپ، ئەوا گەڕانەوەکەى دەکەوێتە سعودیە و لەوێ بەشدارى یارییەکانى جامى جیهانیى یانەکان دەکات.
