پێنج کەس لە یەک پێکدادان بریندار بوون

+964
موحسین عومەر

لە رووداوێکی هاتووچۆدا لەسەر رێگای کەلار ـ ناحیەی باوەنوور بەهۆی پێکدادانی دوو ئۆتۆمبێل، پێنج کەس برینداربوون.

بەڕێوەبەرایەتیی هاتوچۆی گەرمیان رایگەیاند: سەر لە ئێوارەی ئەمڕۆ یەکشەمە 10.12.2023 لەسەر رێگای کەلار- ناحیەی باوەنوور لە نێوان گوندی تازەدێ و گوندی بەرلووت، بە هۆی پێکدادانی دوو ئۆتۆمبێلی جۆری (تۆیۆتا پرادۆ و فۆرد ئیدج) پێنج کەس برینداربوون.

بریندارەکان شۆفێر و سەرنشینی ئۆتۆمبێلی جۆری (فۆرد ئیدج)بوون، هەردوو ئۆتۆمبێلەکە بە ئاراستەی قەزای کەلار رۆیشتوون، دوای ئەوەی پێکیانداداوە، ئۆتۆمبێلە فۆردەکە وەرگەڕاوە.

هاتوچۆی گەرمیان دەڵێن، راستەوخۆ سەرجەم بریندارەکان لە کەلار رەوانەی نەخۆشخانەی فریاکەوتنی شەهید هەژار کراون، لە لایەن تیمی هاتوچۆوە لێکۆڵینەوە لە رووداوەکە دەستیپێکردووە.

زانیاری مەترسیدار دەربارەی رووداوەکانی هاتوچۆ