وێنه: سۆشیاڵ میدیا
به‌راورد به مانگى رابردوو
پێوه‌دانى دووپشك و گه‌ستنى سه‌گ له به‌رده‌ڕه‌ش كه‌مى كردووه
964+
فه‌رهاد حه‌سه‌ن
به‌راورد به مانگی رابردوو له سنوورى قه‌زاى به‌رده‌ڕه‌ش پێوه‌دانى دووپشك و گه‌ستنى سه‌گ، رووى له كه‌مى كردووه.
به پێی دوو ئامارى جیاواز كه به‌ڕێوه‌به‌رایه‌تتى گشتتى ته‌ندروستى ئه‌م قه‌زایه بڵاویكردووه‌ته‌وه، مانگی 10ـى ئه‌مساڵ 25 حاڵه‌تى پێوه‌دانى دووپشك تۆماركرابوو، به‌ڵام له مانگى 11 دا ئه‌و ژماره‌یه بۆ 15 حاڵه‌ت كه‌مى كردووه.
هه‌ر به‌پێی ئه‌م ئامارانه، حاڵه‌ته‌كانى گه‌ستنى سه‌گیش له‌و سنووره كه‌مى كردووه له هه‌شت حاڵه‌تى مانگى 10 ـه‌وه بووه‌ته پێنج حاڵه‌ت بۆ مانگى 11.
ئه‌و ئامارانه‌ى به‌ڕێوه‌به‌رایه‌تیی گشتیى ته‌ندروستیى به‌رده‌ڕه‌ش، كۆكراوه‌ى 15 بنکەی تەندروستی و بەشی پێشوازی فریاكه‌وتن و بەشەکانی سەر بەو بەڕێوەبەرایەتییه‌یه.
