نێرگزی شیراز بازاڕی سلێمانی بۆنخۆش کردووە

964+
رێژوان مامە قادر – سلێمانی

سێ رۆژە نێرگزی بۆنخۆشی شیراز لە بازاڕەکانی سلێمانیدا پەیدا بووە و فرۆشیارەکان دەڵێن خواستێکی زۆری لەسەرە.

کازم حەبیبوڵا، یەکێک لە فرۆشیارانی ئەو نێرگزە لە ناو بازاڕی سلێمانی بە 964ی وت، سێ رۆژە ئەو نێرگزە هاتووەتە ناو بازاڕ و خواستێکی زۆری لەسەرە.
وتیشی، “نێرگزەکە هەر چڵێکی بە دوو هەزار دینارە و رۆژانە نزیکەی 20 چڵ نێرگز دەفرۆشێت”.

بە پێی قسەکانی ئەو نێرگزفرۆشە، ئەو جۆرە نێرگزە شیرازییە تا مانگی سێ لە بازاڕەکانی هەرێمدا دەمێنێتەوە و ئەوکاتەش کە نێرگزی کوردی پەیدا دەبێت هاوردە ناکرێت و نێرگزە کوردییەکە دەفرۆشرێت.

وتیشی، “نێرگزە ئێرانییەکە گەورەترە و گوڵەکانی زۆرترن و بۆنیشی لە نێرگی خۆمانە خۆشترە”.

پێداچوونەوە: ئەرسەلان عەبدوڵا

ئەو پیاوەی بەهاران لەگەڵ نێرگز دەردەکەوێت