لە بارەی کاڵای لەپاکەتنراو و پێچراو داوای روونکردنەوە دەکرێت

964+
ئەحمەد مستەفا

لەسەر داوایەکی وەزارەتی دارایی، سەرۆکایەتی گشتی یەکێتی هاوردە و ناردنکاران، سەرجەم ئەندامانی یەکێتییەکە ئاگادار دەکاتەوە زانیاری پێویست سەبارەت بە لە پاکەتنان و پێچانەوەی بەرهەمە هاوردەکراوەکانیان بۆ بنێرن.

مادەکانی لەپاکەتنان و پێچانەوە (کاغەز، پلاستیك، کانزا و شووشە)ن ئەو مادانەن، کە رۆژانە لەگەڵ کاڵاکاندا دێنە ناو هەرێمی کوردستان.

یەکێتی هاوردە و ناردنکاران لە بڵاوکراوەیەکدا کە وێنەیەکی ئەمڕۆ دووشەممە 4.12.2023 دەست 964 کەوتووە، ئاماژەی بەوەکردووە، “داواکەیان پاڵپشتە بە بەڕێوەبەرایەتیی گشتیی دیوانی وەزارەتی دارایی و ئابووری هەرێمی کوردستان، کە ئاڕاستەی سەرۆکایەتی یەکێتی هاوردە و ناردنکارانی هەرێمی کوردستانی کردووە”.

عێراق له‌ پله‌ی چواره‌می هاورده‌كارانی كه‌لوپه‌لی توركیایه‌

“داوا لە سەرجەم هاوردەکارانی هەرێمی کوردستان دەکەین، داوا لە بەرهەمهێنی وڵاتی هەناردە بکەن زانیاری دروستیان بۆ بنێرێت لەسەر بڕی ئەو مادانەی لەپاکەتنان و پێچانەوەی بەرهەمەکانیاندا بەکاردێت”.

یەك مادەیی (وەك : کاڵای چیمەنتۆ کە کراوەتە ناو کیسەی فرەبەرگ) .
دوو مادەیی (ژمارەیەك پاکەتی (کاغەز) کلێنس بە پلاستیك پێچراوەتەوە) .
سێ مادەیی ( ژمارەیەك کاڵای لەقوتوونراو لەسەر سینیەکی کارتۆن بە پلاستیك پێچراوەتەوە) .
چوار مادەیی ( ژمارەیەك کاڵای بوتڵی شوشەی خواردنەوە بە سەری کانزاییەوە لە ناو سندوقێکی کارتۆن دانراون و هەموویان بە پلاستیك پێچراونەتەوە).

لە رێگەی ئەم لینکەوە هاوردەکاران دەتوانن روونکردنەوە لەسەر بەرهەمەکانیان بنێرن: کلیک بکە