ئەمڕۆ 400 هەزار تیکت دەفرۆشرێت
964+
محەمەد بورهان
کەمێکی تر وادەی فرۆشتنی تیکتەکانی ئۆڵۆمپیادی پاریس 2024 دەست پێدەکات، ئەوەی بەردەست دەبێت 400 هەزار تیکتە.
لیژنەی رێکخەری ئۆڵۆمپیاد رایگەیاندووە تیکتەکان ئەمڕۆ کاتژمێر 10 [بەکاتی کوردستان] بەردەست دەبن و هەرکەسێک بیەوێت دەتوانێت لەسەر ئەم وێبسایتە بیانکڕێت:
www.tickets.paris2024.org
بەپێی سیستەمەکە هەرکەسێک زووتر تیکتەکە بکڕێت ئەو خاوەنیەتی.
بەگشتی بۆ ئۆڵۆمپیاد 10 ملیۆن تیکت دەخرێتە بازاڕەوە، کەمترین نرخ بە 24 یۆرۆ دەست پێدەکات.
سەیر ئەوەیە بۆ ئەم ئۆڵۆمپیادە گرانترین نرخ بۆ یارییەکانی تۆپی پێ نییە، بەڵکو بۆ حەوت پێشبڕکێیە یەکەمیان یارییەکانی گۆڕەپان و مەیدانە.
تیکتی یاری کۆتایی تۆپی سەبەتەی پیاوان دەگاتە 980 یۆرۆ و تیکتی پێشبڕکێی مەلەوانیش لە گرانەکانە.
ساڵی داهاتوو لە 24ی تەمموز هەتا 11ی ئاب ئۆڵۆمپیادی پاریس بەڕێوە دەچێت.