سەنتەری شاری کەرکوک - وێنە: 964
لە کەرکوک
بەهۆی وەرگەڕانی پیکابێک دوو کەس گیانیان لەدەستدا و 13 کەسی دیکەش بریندارن
964+
کاروان ساڵحی – کەرکوک
ئێوارەی ئەمڕۆ بەهۆی رووداوێکی هاتوچۆ لە کەرکوک، دوو کەس گیانیان لەدەستدا، یەکێکیان منداڵێکی تەمەن پێنج مانگە و 13 کەسیش بریندارن.
رووداوەکە بەهۆی وەرگەڕانی ئۆتۆمبێڵێکی جۆری پیکاب بووە، لە شەقامی فرۆکەخانەی کەرکوک نزیک پردی یەکی حوزەیران روویداوە.
سامان یابە بەرپرسی راگەیاندنی فەرمانگەی تەندروستی کەرکوک بە 964ی وت، بەهۆی ئەم رووداوەوە شۆفێرەکە و منداڵێکی تەمەن پێنج مانگ گیانی لەدەستداوە و 13 کەسی دیکەش بریندارن.
بەوتەی سامان یابە پێنج لە بریندارەکان ژنن و پێنجیان منداڵن و سێ کەسەکەی دیکەش پیاون، سەرجەمیان لە نەخۆشخانەی گشتی کەرکوک چارەسەریان بۆ دەکرێت.
پێداچوونەوە: فەهمی نەبی
