دوو کەس بە رووداوی هاتوچۆ گیانیان لەدەستدا

964+

توانا نەقی

پاشنیوەڕۆی ئەمڕۆ هەینی لەسەر رێگای نێوان هەولێر – دهۆک دوو کەس بە هۆی رووداوێکی هاتوچۆوە گیانیان لەدەستدا، سیانیش بریندارن.

فازڵ حاجی وتەبێژی هاتوچۆی هەولێر بڵاویکردەوە، رووداوەکە بە دیاری کراوی لە نزیک گوندی شاخۆلان بووە لە رێگای هەولێر – دهۆک و بەهۆی وەرگەڕانی ئۆتۆمبێلێکەوە بووە.

دەشڵێت، ئۆتۆمبێلێکی تایبەت لە جۆری سانیا بەهۆی تیژڕەوەیی و تەڕبوونی رێگاکە بەهۆی بارانەوە کۆنترۆڵی لەدەستداوە.

لە ئەنجامدا پاش ئەوەی ئۆتۆمبێلەکە چەند جارێک خۆی کێشاوە بە راگری ئەملاوئەولای شەقامەکەدا پاشان لە شەقام دەرچووە و وەرگەڕاوە، دووکەس گیانیان لەدەستداوە و سێ کەسی دیکەش بریندار بوون.