لە دوو رووداوی جیاوازدا ماتۆڕ دوو کەسی رەوانەی نەخۆشخانە کردووە

964+

توانا نەقی

لە دوو رووداوی جیاوازی هاتوچۆدا لە شاری کەلار کە لە هەردووکیاندا ماتۆر هەبووە و دانەیەکیان لەگەڵ پاسکیلێک بووە دوو کەس بریندار بوون.

ئەمڕۆ هەینی، هاتوچۆی گەرمیان بڵاویکردەوە، بەهۆی رووداوێکی هاتوچۆ لە نێوان ماتۆڕسکیلێک و پاسکیلێک لە گەڕەکی بنگردی کەلار پاسکیلسوارەکە کە لە دایکبووی 2012 بووە بریندار بووە و رەوانەی نەخۆشخانە کراوە.

دەشڵێت، لە رووداوێکی دیکەی هاتوچۆدا لە نێوان ئۆتۆمبێلێک لە جۆری نیسان ئاڵتیما و ماتۆڕسکێلێک لە نزیک کتێبخانەی گشتی کەلار، ماتۆڕسوارەکە کە لەدایکبووی 2005ـە، بریندارە و رەوانەی نەخۆشخانەی فریاکەوتنی شەهید هەژار کراوە.

هاتوچۆ دەڵێت، لێکۆڵینەوەکانیان لەبارەی هەردوو رووداوەکەوە دەستپێکردووە.