ئاگر زیاتر لە 20 مریشکی لەناو دوکانێکدا سووتاند

964+
هیڤی دێوالی – دهۆک

لە بازاڕی زرگای دهۆک دوکانێکی مریشک فرۆشتن ئاگری گرت، بە وتەی خاوەنەکەی بێت، “لە دەرئەنجامی ئاگرەکە زیاتر لە سێ ملیۆن دینار زیانی بەرکەوتووە”.

شەوی پێنجشەممە 9.11.2023، ئاگرکەوتنەوەکە روویداوە.

ژیوار دۆسکی، خاوەنی فرۆشگاکە بە 964ـى وت، “لە پاش کاتژمێر 8:00ی ئەمشەوە دوکانەکەم ئاگری گرتووە، زیاتر لە 20 مریشک و قاز و کەڵەشێر و دەغیلەی دوکانەکەشم سوتاوە”.

وتیشی، “دوای نیو سەعات تیمی ئاگرکوژێنەوە گەیشتوون، ئاگر زیانێکی زۆری پێ گەیاندووم، کە لە ئەنجامی بزوێنەری غازەکەوە دروستبووە”.

لە بارەی درووداوەکەوە، سەنتەری 115 بەرگری شارستانی دهۆک بە 964ـى راگەیاند، “تا گەیشتینە شوێنەکە بەتینی ئاگرەکە زۆرێک لە دوکانەکەی سوتاندبوو، کە لەئەنجامی تەقینی بزوێنەری غازەوە سەریهەڵدابوو”.

لە دهۆک دواکەوتنی موچە نرخی مریشکی هەرزان کردووە