بازاڕی یاریە ئەلکترۆنییەکان لە دهۆک. وێنە :964
هیچ ساڵێک ئاوا نەبووە
لە دهۆک نرخی یاریە ئەلیکترۆنیەکان هەرزان بووە
964+
زەید کۆچەر – دهۆک
لە پارێزگای دهۆک نرخی یارییە ئەلیکترۆنیەکان بەشێوەیەکی بەرچاو دابەزیووە، خاوەن دوکانێکی فرۆشتنی یارییە ئەلیکترۆنیەکان دەڵێت، ئێستا وەزری فرۆشتنی ئەو یارییانە نییە، بەڵام ئەمساڵ بەراورد بە ساڵانی دیکە زۆر هەرزانترە.
هاریوان حسێن سلێمان، دوکانی فرۆشتنی یاریە ئەلیکترۆنیەکانی لە دهۆک هەیە بە 964ی وت، دوو هۆکار وایکردووە نرخی ئەو یارییانە دابەزێت، ئێستا وەرزی خوێندنە و کەس ئەو یاریانە ناکڕێت، هۆکارێکی دیکە کۆمپانیاکان مۆدێلی نوێی ئەو یاریانە دەخەنە بازاڕەوە، لەهەموو دونیا نرخی مۆدێلەکانی دیکە دادەبەزێت.
ئەو دوکاندارە دەڵێت، لەماوەی سێ مانگدا نرخی PS5 نزیکەی 120 دۆلار هەرزان بووە، ئەو کاتەی playstation 5 هات نرخەکەی 1300 دۆلار بوو، بەڵام ئێستا نرخەکەی تەنیا 450 دۆلارە.
بەگوێرەی وتەی هاریوان حسێن، هەموو یارییەکان هەرزان بوون، کە هیچ ساڵێک ئاوا نەبووە.
