لە کەرکوک
لە رووداوێکی هاتوچۆدا چوار کەس گیانیانلەدەستدا
964+
سیروان خورشید – دوزخورماتوو
لە رووداوێکی هاتوچۆدا لەسەر رێگای بازنەیی کەرکوک چوار کەس گیانیانلەدەستدا.
ئێوارەی ئەمڕۆ یەکشەممە، بەهۆی رووداوێکی هاتوچۆوە لەسەر رێگەی بازنەیی کەرکوک لەبەردەم بەنزیخانەی جەبەلبۆر چوار کەس گیانیانلەدەستدا و دوو کەسی دیکەش برینداربوون.
رووداوەکە پێکدادانی نێوان ئۆتۆمبێلێکی بارهەڵگر و پیکابێک بووە.
عامر نەریمان وتەبێژی هاتوچۆی کەرکوک رایگەیاند، رووداوەکە لە نێوان بارهەڵگرێک و پیکاپ نیسانێک بووە، کاتێک پیکاپ نیسانەکە ویستویەتی بێتە سەر جادەی سەرەکی بێ ئەوەی سەیری چواردەوری خۆی بکات، بارهەڵگرێکیش بەهۆی تیژڕەوەییەوە نەیتوانیوە کۆنترۆڵی خۆی بکات و خۆی کێشاوە بە نیسانەکەدا و چوار سەرنشینی پیکابەکە گیانیان لەدەستداوە و دوو کەسی دیکەشیان بریندار بوون.
وتیشی، لەلایەن هاوڵاتیانەوە تەرمەکان بریندارەکان رەوانەی نەخۆشخانە کراون.
964 چەند جارێک پەیوەندی کرد بەنەخۆشخانەی ئازادی کەرکوکەوە بەڵام بەردەست نەبوون.
پێداچوونەوە: توانا نەقی
